Joan den larunbatean, ESPELEOFOTO elkartearekin, mendiko festibalari hasiera eman genion. Leku askotarikotik etorritako elkarte honetako kideek oso emanaldi atsegingarria eskaini ziguten. Koba eta meatze zaharretan egindako argazkiak disfrutatzeko aukera izan genuen. Honetaz gain, irudi hauek ateratzeko erabilitako truko batzuk azaldu zizkiguten.
Larunbateko arratsalde atsegina, giro onean, lan polita ikusten eta jende jatorrarekin partekatuz… eta bukatzeko, ESPELEOFOTO taldeko kideak, Gasteiztik etorritako “Zarama” espeleologia taldekoak eta Altzania Mendi Klubeko kideok herriko elkarte batean afaltzeko elkartu ginen. Eskerrik asko ESPELEOFOTO.
